Trump Ya Ce Lokaci Na Kurewa Iran
Trump ya musanta matsin lamba kan kawo ƙarshen yaƙi.
Ya ce Iran ce ke fama da ƙarancin lokaci.
Tsohon Shugaban Amurka, Donald Trump, ya ce lokaci na ƙurewa Iran yayin da yake mayar da martani kan rahotannin da ke cewa yana fuskantar matsin lamba na kawo ƙarshen yaƙin, a wani saƙo da ya wallafa a shafinsa na Truth Social.
Trump ya ƙalubalanci rahotannin da wasu kafafen yaɗa labarai ke yaɗawa, inda ya ce ba gaskiya ba ne cewa yana cikin matsin lamba don kawo ƙarshen rikicin.
Ya bayyana cewa yana da isasshen lokaci wajen tafiyar da yaƙin, amma Iran ba ta da irin wannan damar.
“Ina da isasshen lokaci, amma Iran ba ta da wannan lokacin — lokaci yana ƙure mata,” in ji Trump.
Ya ƙara da cewa duk wata yarjejeniya za ta samu ne kawai idan Iran ta amince da sharuɗɗan da Amurka da ƙawayenta suka gindaya.
Karanta cikakken labarin: Trump: An bude mashigar Hormuz, jirage na ci gaba da wucewa
Kalaman Trump na nuna tsauraran matsayi kan Iran, yayin da ake ci gaba da takaddama kan makomar rikicin da kuma yiwuwar cimma yarjejeniya.
