Jirgin ruwan mai suna Nord Luxury, mai tsawon mita 142, wanda ake danganta shi da attajirin ɗan kasuwa Alexey Mordashov — kusa da shugaban Rasha Vladimir Putin — ya yi tafiya daga Dubai zuwa Muscat a Oman a ƙarshen mako.
Rahotanni sun nuna cewa jirgin na daga cikin kaɗan daga cikin jiragen ruwa marasa alaƙa da gwamnati ko kasuwanci da suka samu damar wucewa ta mashigar cikin ƴan watannin nan.
Karanta cikakken labarin: Iran ta sake rufe mashigar Hormuz kan takaddamar da Amurka
Hakan na zuwa ne a daidai lokacin da Iran ke ƙara ƙulla alaƙa da Rasha, yayin da ake ci gaba da takun-saƙa tsakaninta da Amurka kan batun buɗe Mashigar Hormuz.
Mashigar Hormuz na da matuƙar muhimmanci a duniya, domin ana kiyasin kusan kashi ɗaya cikin biyar na danyen mai da iskar gas da ake amfani da su a duniya na ratsa ta wannan hanya.
