Gwamnan jihar Borno, Farfesa Babagana Umara Zulum, ya bayyana cewa gwamnatin jihar ta rufe kasuwar Jilli tun shekaru biyar da suka gabata, sakamakon zargin cewa ta zama mafakar ƴan ta’adda.
Zulum ya bayyana hakan ne a cikin wata sanarwa yayin da yake mayar da martani kan rahotannin wani harin sama da ake zargin rundunar sojin saman Najeriya ta kai, wanda aka ce ya yi sanadin mutuwar sama da mutum 50 a ranar Asabar.
Ya ce an riga an rufe kasuwar Jilli da kuma ta Gazabure tun da dadewa, yana mai jaddada cewa matakin ya kasance domin dalilan tsaro.
Author
Labarai masu alaƙa
