Dan wasan kungiyar Berekum Chelsea, Dominick Frimpong, ya rasu bayan wani harin ƴan fashi da aka kai wa motar bas din da ke ɗauke da tawagarsu bayan sun kammala wasa da FC Samartex a gasar Premier ta Ghana.
Matashin ɗan wasan mai shekara 20 ya samu munanan raunuka sakamakon harbin bindiga lokacin da aka buɗe wa tawagar tasu wuta.
Frimpong, wanda ɗan wasan Aduana FC ne, yana taka leda a Berekum Chelsea ne a matsayin aro. Ya buga wasanni 13 a bana tare da zura ƙwallaye biyu.
